ცხინვალის რეგიონის კონფლიქტური ზონის მიმდებარე სოფლებში მოქალაქეების გატაცების ფაქტები და ტერიტორიების ოკუპაცია არასამთავრობოებმა სოფელ დიცში გააპროტესტეს.
საოკუპაციო ხაზის მიმდებარე ტერიტორიაზე არასამთავრობო ორგანიზაციების წარმომადგენლები ჩავიდნენ და ვითარებას ადგილზე გაეცნენ.
"სამართლიანი არჩევნებისა და დემოკრატიის საერთაშორისო საზოგადოება", "საერთაშორისო გამჭვირვალობა - საქართველო", "კონსტიტუციის 42-ე მუხლი", სხვა არასამთავრობოებთან ერთად, მოსახლეობას და ევროკავშირის მისიის წარმომადგენლებსაც შეხვდნენ.
მათ რუსი სამხედროების ქმედებაზე მკაცრი რეაგირება მოითხოვეს.
