ტელეფონებისა და მეხსიერების ბარათების წარმოების მსოფლიო გიგანტმა - Samsung Electronics-მა განაცხადა, რომ კვარტლის განმავლობაში 8,3მლრდ დოლარის შემოსავალს ელოდება. არსებული სტატისტიკით, Samsung-ი მთელი მსოფლიოს მასშტაბით წუთში 500 სმარტფონს ყიდის. აღნიშნული გაყიდვები კი სენსორულმა ეკრანმა გამოიწვია, რომელსაც კომპანია ჩინეთში, მისი კონკურენტის Apple Inc-ის მსგავსად უკვეთავს. კომპანიის მენეჯმენტი, გასული 5 კვარტლის სტატისტიკური მონაცემების საფუძველზე იანვარ-მარტშიც სოლიდურ მოგებას ელოდება. ანალიტიკოსთა გათვლებით, ვინაიდან მეხსიერების ბარათების ფასი გაიზარდა, წელს მოგება გასული მონაცემების მსგავსად, რეკორდულად მაღალი აღარ იქნება.
2012 წლის სტატისტიკით უკვე ცხადია, რომ Samsung-მა თავის კონკურენტ Apple-ს უკვე გადაუსწრო, მიუხედავად იმისა, რომ „ჩაკბეჩილმა ვაშლმა" 2012 წელს iPhone 5-ი გამოუშვა, რომელიც თავის წინამორბედებისაგან საკმაოდ განსხვავებულია.
უნდა აღინიშნოს, ისიც, რომ 2012 წელს
Apple-მა მხოლოდ ერთი ახალი სმარტფონი გამოუშვა, მაშინ როდესაც
Samsung-მა ბაზარზე 37 ახალი სმარტფონი გამოიტანა.
ტაილანდურმა HTC Corp-მა კი 2012 წელს 18 ახალი სმარტფონი, Nokia 9 ახალი სმარტფონი, ხოლო LG Electronics-მა კი 24 ახალი სმარტფონი გამოუშვა.
Samsung-ში ვარაუდობენ, რომ 2013 წელს გაყიდვები სამჯერ გაიზრდება. ანალიტიკოსები ამბობენ, რომ წელს კომპანია 290 მლნ-ზე მეტი სმარტფონს გაყიდის, მაშინ როდესაც 2012 წლის პროგნოზი 212 მლნ სმარტფონი იყო.
