ეკონომიკისა და მდგრადი განვითარების მინისტრის ბრძანებით, სამინისტროს სათათბირო ორგანო - ციფრულ მაუწყებლობაზე გადასვლის საბჭო შეიქმნა.
ეკონიმიკის სამინისტროში მიჩნევენ, რომ ციფრულ საეთერო ტელემაუწყებლობაზე გადასვლის პროცესი საჯაროდ წარიმართება.
ციფრულ მაუწყებლობაზე გადასვლის საბჭო იმ პროექტს განიხილავს, რომელსაც საქართველოში, ციფრულ მაუწყებლობაზე გადასვლის მიზნით, ევროპის განვითარებისა და რეკონსტრუქციის ბანკი ფინეთის მთავრობის დახმარებით ამზადებს.
დოკუმენტების პროექტების შემდგომში დახვეწის მიზნით, საბჭოში მაუწყებლების, ხელისუფლების ორგანოების, კომუნიკაციის ეროვნული კომისიის და არასამთავრობო ორგანიზაციების წარმომადგენლები შედიან.
ციფრულ მაუწყებლობაზე გადასვლის საბჭო პირველი სხდომა დღეს „შერატონ მეტეხი პალასში" გაიმართა.