ქედაში, სოფელ გეგელიძეებში ცნობილი პოეტისა და საზოგადო მოღვაწის ფრიდონ ხალვაშის სახელობის სახლ–მუზეუმი აჭარის მთავრობის თავმჯდომარემ, ლევან ვარშალომიძემ და საქართველოს პარლამენტის თავმჯდომარემ, დავით ბაქრაძემ გახსნა. ცერემონიალს აჭარის მწერალთა კავშირის წევრები და ადგილობრივები დაესწრნენ. პარლამენტის სპიკერმა შთაბეჭდილებათა წიგნში სამახსოვრო ჩანაწერი დატოვა და პოეტის მოღვაწეობაზე ისაუბრა.
აჭარის მთავრობის გადაწყვეტილების საფუძველზე მუზეუმი იმ სახლში მოეწყო, სადაც 1925 წლის 17 მაისს ფრიდონ ხალვაში დაიბადა. მასში პოეტისა და მწერლის ხელნაწერები, ფოტო-მასალები, პირადი ნივთები, ასევე, ფრიდონ ხალვაშის პირადი ბიბლიოთეკა განთავსდება.
პოეტს 1979 წელს შოთა რუსთაველის სახელობის პრემიის ლაურეატობა მიენიჭა. ფრიდონ ხალვაში საქართველოს მწერალთა კავშირის აჭარის ორგანიზაციის თავმჯდომარე და პარლამენტის წევრიც იყო.
მასალის გამოყენების პირობები