ბაჰრეინის პრინცმა ლონდონში, "ჰიტროუს" აეროპორტში, ჩხუბი მოაწყო. მთვრალი პრინცისა და პილოტების გასაშველებლად პოლიციის ჩარევაც კი აუცილებელი გახდა.
British Airways-ის თვითმფრინავში, რომელიც ლონდონიდან ბაჰრეინში გასაფრენად ემზადებოდა, გამოცხადდა, რომ უკვე ზუსტად 10 საათი იყო და თვითმფრინავი უნდა აფრენილიყო. ამ დროს კი ბაჰრეინის ტახტის 28 წლის მემკვიდრემ ყვირილი ატეხა. ის მგზავრების მიმართ მოპყრობას აპროტესტებდა და პილოტის კაბინაში შესვლას ცდილობდა.
მგზავრის დაწყნარება საბოლოოდ პოლიციას მოუწია. პრინცი ლონდონის პოლიციის განყოფილებაში გადაიყვანეს, სადაც თითის ანაბეჭდები აუღეს, ასევე გადაუღეს სურათი არქივისთვის. ამ პროცედურების გავლის შემდეგ პოლიციამ პრინცი გაათავისუფლა.