ბანკმა "რესპუბლიკამ" მონაწილეობა მიიღო აშშ-ის განვითარების სააგენტოს "ეკონომიკური აღმავლობის ინიციატივის" მიერ ორგანიზებულ ღონისძიებაში, რომელიც თბილისში, "ექსპო ჯორჯიას" პავილიონში გაიმართა.
ბანკ "რესპუბლიკის" მიკრო და მცირე ბიზნესკონსულტანტებმა წარმოების, მომსახურების და სოფლის მეურნეობის, ასევე ეკონომიკის სხვა დარგების წარმომადგენლებს ბანკის სიახლეები გააცნეს.
ბანკ "რესპუბლიკის" ბიზნესკრედიტები 12 თვემდე საშეღავათო პერიოდით და დაბალი (12%-იდან) საპროცენტო განაკვეთით მეწარმეებისა და ბიზნესის მფლობელებისათვის საინტერესო აღმოჩნდა. თანამშრომლობის მიმზიდველი პირობები ბიზნესის ადმინისტრირების საკითხებისადმი მიძღვნილ უფასო სემინართან ერთად მეწარმეებმა თავიანთი საქმიანობის შემდგომი განვითარების ხელსაყრელ საშუალებად მიიჩნიეს.
ღონისძიებაზე, რომლის მიზანიც ბიზნესსექტორსა და ფინანსურ ორგანიზაციებს შორის დიალოგის ხელშეწყობა იყო, ქვეყნის წამყვან ბანკებთან ერთად საკონსულტაციო და სალიზინგო კომპანიებიც მონაწილეობდნენ.
შეგახსენებთ, რომ ბანკი "რესპუბლიკა" 2006 წლიდან ჯგუფი "სოსიეტე ჟენერალის" წევრია. ბანკი 1991 წელს დაარსდა და 38 ფილიალი აქვს.