"აჭარის ონკოლოგიის ცენტრს" მყიდველი უკვე მეორედ არ გამოუჩნდა. როგორც სააგენტო "ჯი-ეიჩ-ენს" აჭარის ფინანსთა და ეკონომიკის სამინისტროდან აცნობეს, აუქციონზე "აჭარის ონკოლოგიის ცენტრს" მყიდველი არ გამოუჩნდა და ამიტომაც სამედიცინო დაწესებულება სახელმწიფოს საკუთრებაში დარჩა.
დღეისთვის ჩანიშნულ აუქციონზე, სადაც აჭარის მთავრობა საავადმყოფის გასხვისებას უკვე მეორედ ცდილობდა, ობიექტის საწყისი 0,9 ლარი იყო, მაშინ, როდესაც პირველ აუქციონზე ობიექტის ღირებულება 1,5 მლნ. ლარს შეადგენდა.
საპრივატიზაციო პირობების თანახმად, მყიდველი ვალდებული იყო, 2013 წლის 20 დეკემბრამდე შპს ''აჭარის ავტონომიური რესპუბლიკის ონკოლოგიის ცენტრის'' რეაბილიტაცია უზრუნველეყო. მყიდველი ვალდებული იყო, ასევე, აუქციონის დასრულებიდან 2012 წლის 20 დეკემბრამდე, წინა წლების დარჩენილი გადასახდელი დივიდენდი 514 224 ლარი გადაეხადა.
