იანვარ-თებერვალში აჭარაში ჩასული ტურისტების რაოდენობა 21,9%-ით გაიზარდა. როგორც სააგენტო "ჯი-ეიჩ-ენს" აჭარის ტურიზმის დეპარტამენტში განუცხადეს, 2012 წლის ორ თვეში აჭარაში 74 ათას 185 ვიზიტორი იმყოფებოდა, რაც წინა წლის ანალოგიურ პერიოდთან შედარებით 21,9%-ითაა გაზრდილი. ხოლო 2010 წელთან შედარებით კი 104,2%-ით.
დეპარტამენტში აღნიშნავენ, რომ 2011 წლის იანვარ-თებერვალში აჭარაში სულ 60 ათას 845 ვიზიტორი ჩავიდა, 2010 წლის იანვარ-თებერვალში კი 36 ათას 322 ვიზიტორი.
2012 წლის იანვარ-თებერვალში აჭარაში ჩასულ უცხოელ ვიზიტორთა რაოდენობამ 27 ათას 167 ვიზიტორი შეადგინა, რაც 2011 წლის დროის იმავე პერიოდთან შედარებით 75,7%-ითა გაზრდილი.
სტატისტიკური ინფორმაციის თანახმად, 2011 წლის იანვარ-თებერვალში აჭარას 15 ათას 466 უცხოელი ვიზიტორი სტუმრობდა, ხოლო 2010 წელს - 9 ათას 797 უცხოელი ვიზიტორი.
აჭარის ტურიზმის დეპარტამენტში განმარტავენ, რომ 2012 წლის თებერვალში აჭარა 21 ათას 131-მა ვიზიტორმა მოინახულა, რაც წინა წლის თებერვალთან შედარებით 21,9%-ით მეტია, ხოლო 2010 წლის ანალოგიურ პერიოდთან შედარებით კი 104,2%-ით მეტი.
აჭარის ტურიზმის დეპარტამენტის ინფორმაციით, 2011 წლის თებერვალში სულ აჭარაში 16 ათას 118 ვიზიტორი იმყოფებოდა, ხოლო 2010 წლის იანვარში კი 6 ათას 602 ვიზიტორი.
2012 წლის თებერვალში აჭარაში ჩამოსულ უცხოელ ვიზიტორთა რაოდენობამ 8 ათას 337 ვიზიტორი შეადგინა, რაც 2011 წლის დროის იმავე პერიოდთან შედარებით 75,7%-ით მეტია. 2011 წლის თებერვალში აჭარას 4 ათას 521 უცხოელი ვიზიტორი სტუმრობდა, ხოლო 2010 წელს - 1 ათას 920 ვიზიტორი.
