სოფლის მეურნეობის მინისტრის მოადგილე ია ჯანაშიამ ბოლივუდელ პროდიუსერთა ჯგუფს უმასპინძლა, რომლებიც საქართველოს ცნობილი ფილმის „ბილა 2"-ის გადასაღებად ეწვივნენ.
სამინისტროს ინიციტივით, ქართული ღვინის პოპულარიზაციის მიზნით, ფილმის პირველი ნაწილი გასული წლის ნოემბერში საქართველოში გადაიღეს. ქართული ღვინის პრეზენტაცია და დეგუსტაციები ბოლივუდის ყველაზე პრესტიჟულ ჩვენებებზე, წვეულებებსა და დაჯილდოვების ცერემონიალებზე გაიმართება.
ბოლუვუდელი პროდიუსერები, ვიზიტის ფარგლებში, ქართული ღვინის მწარმოებელი კომპანიების ხელმძღვანელებსაც შეხვდებიან. ინდოელი სტუმრების შეფასებით, ქართული ღვინო ერთ-ერთი საუკეთსოა და ინდურ ბაზარზე მის პოპულარიზაციას გემოსთან ერთად ხელმისაწვდომი საფასო სეგმენტიც უზრუნველყოფს. აღსანიშნავია, რომ ინდური ღვინის ბაზარი ერთ-ერთი ყველაზე მიმზიდველია მსოფლიოში წამყვანი ღვინის მწარმოებელი ქვეყნებისთვის. სამომავლოდ ასევე იგეგმება ინდურ ბაზარზე ქართული ტრადიცული ყველის სახეობებისა და თაფლის პოპულარიზაცია და ექსპორტი.
