აჭარის მთავრობის თავმჯდომარე, ლევან ვარშალომიძე 2-დღიანი ოფიციალური ვიზიტით ყირიმში გაემგზავრა, სადაც მონაწილეობას მიიღებს საერთაშორისო გამოფენა-ფორუმში "ყირიმი. კურორტები. ტურიზმი".
ფორუმში უკრაინისა და საქართველოს გარდა მონაწილეობენ: ბულგარეთი, რუმინეთი, აზერბაიჯანი, თურქეთი და რუსეთი. ღონისძიების მიზანია ტურისტული რეგიონების წარმომადგენელთა ორმხრივი და მრავალმხრივი შეხვედრები, სადაც მხარეები ერთმანეთს გაუზიარებენ საკუთარ გამოცდილებსა და განიხილავენ შავ ზღვაზე საკრუიზო ტურიზმის განვითარების პერსპექტივებს.