აჭარის მთავრობა "აჭარის ონკოლოგიის ცენტრის" გაყიდვას უკვე მეორედ ცდილობს. პირველ აუქციონზე ობიექტს მყიდველი არ გამოუჩნდა და ამიტომ 1-ლი მარტისთვის ჩანიშნულ აუქციონზე, სამედიცინო დაწესებულების ღირებულება 1,5 მლნ. ლარიდან 0,9 მლნ. ლარამდე შემცირდა.
საპრივატიზაციო პირობების თანახმად, მყიდველი ვალდებულია 2013 წლის 20 დეკემბრამდე უზრუნველყოს შპს ''აჭარის ავტონომიური რესპუბლიკის ონკოლოგიის ცენტრის'' რეაბილიტაცია და პროფილის შენარჩუნების ვადაში ჯანმრთელობის დაცვის სახელმწიფო და ადგილობრივ პროგრამებში მონაწილეობის მიღება უზრუნველყოს.
იმავდროულად მყიდველი ვალდებულია აუქციონის დასრულებიდან 2012 წლის 20 დეკემბრამდე, წინა წლების დარჩენილი გადასახდელი დივიდენდის 514 224 ლარის გადახდა უზრუნველყოს.