47 წლის გურამ კ-ს სიკვდილში გარდაცვლილის დედა მის მკურნალ ექიმს ადანაშაულებს. ზ. ი-შვილის თქმით, გურჯაანის ტუბდისპანსერის ექიმმა ოთარ ზამთარაძემ პაციენტს ტუბერკულოზის დიაგნოზი 2010 წელს დაუსვა და პრეპარატი „კაპასტა" დაუნიშნა, თუმცა აღმოჩნდა, რომ სინამდვილეში მისი შვილი ფილტვის კობოთი იყო დაავადებული.
„ამ ნემსმა მოკლა ჩემი შვილი და ამასთან ერთად კიდევ სხვა წამლებმა. თბილისში ექიმებმა მითხრეს, რომ მას ფილტვის სიმსივნე ჰქონდა, მაგათ კიდევ ტუბერკულოზზე დაუწყეს მკურნალობა და ღვიძლი დაეშალა," - განაცხადა გარდაცვლილის დედამ ზ. ი-შვილმა.
გურჯაანის ტუბდისპანსერის ექიმები ბრალდებას უსაფუძვლოს უწოდებენ. გარდაცვლილის მკურნალი ექიმის ოთარ ზამთარაძის თქმით, მამაკაცს მძიმე ფორმის ტუბერკულოზი ჰქონდა.
„მის მიერ მიღებული მედიკამენტები, ეს იქნება ტაბლეტების სახით თუ ინექციების სახით, ყველაფერი დანიშნულება იყო ტუბერკულოზის ეროვნული ცენტრიდან და მართვა ხდებოდა იმ კომიტეტის მიერ. ამდენად, მათი ბრალდება არის არასწორი," -აღნიშნა ოთარ ზამთარაძემ.
