უკანონო სამეწარმეო საქმიანობის, დაუსაბუთებელი შემოსავლების ლეგალიზაციისა და ყალბი საგადასახადო დოკუმენტების დამზადება-გამოყენების ფაქტებზე, საქართველოს ფინანსთა სამინისტროს საგამოძიებო სამსახურის თამნამშრომლების მიერ ფართომასშტაბიანი ოპერატიული ღონისძიებების გატარების შედეგად დაკავებულები არიან საქველმოქმედო ფონდების: „სობიკო," „დალი," „დეა," „ლიკა," „მზეთვალა,"ლ&ს," „იმედი 11," „ლიზიკუნა," „დილა 11," „სპექტრი+," „სპექტრი 24," „სპექტრი 21," „ქოლგა," „კრისტალი 2010," „აისი XXI," „იბერია 2009," „მომავალი თაობების გადასარჩენად," „თიელჯი," „დღე და ღამე," „ავრორა," „თანადგომა," „შერაგი," „გადავარჩინოთ დაუცველი და მრავალშვილიანი ოჯახები," „მოხუცთა და ბავშვთა დახმარების ფონდის" ხელმძღვანელები და თანამშრომლები. სულ ათი პირი.
გამოძიებით დადგინდა, რომ ბრალდებულები ახდენდნენ მზრუნველობას მოკლებული ბავშვების, სმენადაქვეითებულთა სკოლების, მოხუცებულთა სახლებისთვის, განკუთვნილი ჰუმანიტარული ტვირთების რეალიზებას კომერციული მიზნებისთვის. კერძოდ,მოქმედებდა დანაშაულებრივი სქემა, რომლის მონაწილე პირებს, ამერიკის შეერთებულ შტატებში რეგისტრირებული „დსთ-ს ქვეყნების განვითარების საქველმოქმედო ფონდიდან" საქართველოში შემოჰქონდათ ჰუმანიტარული ტვირთი: ჰიგიენური საშუალებები, ტანსაცმელი, ფეხსაცმლი, პარფიუმერია. ბრალდებულები ფონდის წარმომადგენელთან, მარია ბონდარევასთან შევიდნენ დანაშაულებრივ გარიგებაში, დააფუძნეს საქველმოქმედო ორგანიზაციები და წლების განმავლობაში იღებდნენ ჰუმანიტარული მისიის ტვირთს, რომლის რეალიზებას ახდენდნენ ადგილობრივ ბაზარზე. მთლიანობაში, ამ ფონდიდან შემოტანილი იქნა 11 489 180 ლარის საბაჟო ღირებულების ტვირთი, გამოძიებით ასევე დადგინდა, რომ რეალიზაციიდან მიღებული თანხების გადარიცხვა ხდებოდა აღნიშნული ფონდის და მ.ბონდარევას პირად ანგარიშებზე.აშშ-ში გადარიცხულმა თანხამ შეადგინა 2 400 000 აშშ დოლარი.
სამმართალდამცველებმა ბრალდებულები დანაშაულის ფაქტზე დააკავეს. სახელმწიფო ბიუჯეტისთვის მიყენებული ზიანის ზუსტ ოდენობას გამოძიება დაადგენს.
მიმდინარეობს გამოძიება საქართველოს სისხლის სამართლის კოდექსის 210-ე და 192-ე მუხლების მეორე ნაწილებით, 194-ე მუხლის მესამე ნაწილით, რაც ითვალისწინებს თავისუფლების აღკვეთას, საერთო ჯამში, 9 დან 11 წლამდე ვადით.
