გახსნილია 2002 და 2003 წლებში განსაკუტრებული სისასტიკით მომხდარი ყაჩაღობები, რა დროსაც გარდაიცვალა 1968 წელს დაბადებული ილია სოხაძე, 1991 წელს დაბადებული ვენერა ბაზაზიანი, ხოლო სხეულის მძიმე დაზიანება მიიღო 1990 წელს დაბადებულმა გიორგი ჩაკვეტაძემ.
შინაგან საქმეთა სამინისტროს იმერეთის სამხარეო მთავარი სამმართველოს თანამშრომლებმა გატარებული ოპერატიულ-საგამოძიებო ღონისძიებების შედეგად დააკავეს დანაშაულებრივი ჯგუფის წევრები: ფურცხვანიძე იმედა, წ.დ. ერეკლე გურაბანიძე და გოჩა ღაჭავა.
2002 წლის 2 თებერვალს ერეკლე გურაბანიძე, იმედა ფურცხვანიძე, გოჩა ღაჭავა, დავით ხელაია და იმედა ჯანელიძე ნიღბებითა და ავტომატური ცეცხლსასროლი იარაღების გამოყენებით ყაჩაღურად თავს დაესხნენ ერმოგენ სოხაძის ოჯახს, განსაკუთრებული სისატიკით მისი მეუღლისა და ჩვილი ბავშვის წინ ადგილზე მოკლეს ილია სოხაძე, გულ-მკერდის არეში მძიმედ დაჭრეს ერმოგენ სოხაძე და შემთხვევის ადგილიდან მიიმალნენ.
ასევე, აღნიშნული ჯგუფის წევრების მიერ ორგანიზებულია 2003 წლის 7 მარტს მომხდარი ყაჩაღობა, სადაც მონაწილეობას იღებდნენ: ირაკლი გურაბანიძე, იმედა ფურცხვანიძე და შინაგან საქმეთა სამინისტროს სპეცდანიშნულების რაზმის ყოფილი თანამშრომელი ზურაბ დემეტრაძე. ისინი ნიღბებით, ავტომატური ცეცხლსასროლი იარაღით და ხელყუმბარით შეიარაღებულები თავს დაესხნენ ჯემალ ჩაკვეტაძის ოჯახს, რა დროსაც ბოროტმოქმედების მიერ ხელყუმბარის აფეთქების შედეგად სხეულის სხვადასხვა სახის მძიმე დაზიანებები მიიღეს მამა-შვილმა ჯემალ და გიორგი ჩაკვეტაძეებმა, ხოლო ადგილზე გარდაიცვალა 13 წლის ვენერა ბაზაზიანი.აღნიშნული დანაშაული ითვალისწინებს უვადო თავისუფლების აღკვეთას.