სივრცითი მოწყობის სქემის შემუშავებისთვის, აჭარას ნიდერლანდების სამეფო 250 ათას ევროს ოდენობით გრანტს გამოუყოფს.
აჭარის ფინანსთა და ეკონომიკის სამინისტროს ინფორმაციით, აჭარის მთავროვამ ნიდერლანდების სამეფოს ეკონომიკურ საქმეთა, სოფლის მეურნეობისა და ინოვაციების სამინისტროს, ინფრასტრუქტურისა და გარემოს დაცვის სამინისტროს წარმომადგენლებთან და ქართველ ექსპერტებთან ერთად მუშაობის შედეგად პირველი ეტაპი დაასრულა, რომლის ფარგლებშიც შემუშავდა და დამტკიცდა სივრცითი მოწყობის სქემის გეგმარებითი დავალება.
მე-2 ეტაპი ითვალისწინებს თვით სივრცითი მოწყობის სქემის შედგენას, რომლის დაფინანსებაზეც სურვილი გამოთქვა ნიდერლანდების სამეფოს მხარემ. საგრანტო შეთანხმება ითვალისწინებს 250 000 ევროს ოდენობით გრანტის გამოყოფას.
სივრცითი მოწყობის სქემის შემუშავების დასრულება და დოკუმენტაციის დამტკიცება დაგეგმილია 2012 წლის ბოლოსათვის.
