კახა ბაინდურაშვლი სავაჭრო-სამრეწველო პალატის პრეზიდენტის პოსტზე საკმაოდ ამბიციური გეგმებით მოდის. სავაჭრო-სამრეწველო პალატის პრეზიდენტმა, დიპლომატიური კორპუსის წარმომადგენლებთან, დღეს პირველი ოფიციალური შეხვედრა გამართა და მათ პალატის 2011-2013 წლის გეგმები დეტალურად გააცნო.
სავაჭრო პალატის პრეზიდენტი ამბობს, რომ დიპლომატიურ კორპუსთან ახლო ურთიერთობა მნიშვნელოვანია, რათა სამომავლოდ ისინი საქართველოს თავიანთი ქვეყნების სავაჭრო-სამრეწველო პალატებთან ურთიერთობების გაღრმავებაში დაეხმაროს.
ბაინდურაშვილი, რომელიც ფინანსთა მინისტრის პოსტიდან სულ ცოტა ხნის წინ წავიდა, ქვეყნის ეკონომიკურ განვითარებაზე დღეს უკვე სავაჭრო-სამრეწველო პალატის პრეზიდენტობიდან ზრუნავს და დამატებითი ინვესტიციების მოზიდვისთვის და ახალი სამუშაო ადგილების შექმნისათვის აქტიურ მუშაობას აპირებს.
"შეხვედრის მიზანი საერთაშორისო ორგანიზაციებისა და დიპლომატიური წარმომადგენლობების ინფორმირებულობა იყო, საქართველოს სამრეწველო-სავაჭრო პალატის გეგმების შესახებ. ჩვენი მთავარი ამოცანაა, ბიზნესის ხელშეწყობა, ხოლო ისინი არიან ის ადამიანები, რომელთაც შეუძლიათ დაგვეხმარონ ინვესტიციების მოზიდვაში. ჩვენ მათ გავაცანით 2011-2013 წლების მუშაობის გეგმები და ვთხოვეთ აღმოგვიჩინონ დახმარება შესაბამის სავაჭრო პალატებთან და ბიზნესმენებთან ურთიერთობების გაღმავებაში. იმედი გვაქვს, რომ ასეთი ურთიერთობები დიპლომატიურ კორპუსებთან და სხვა ქვეყნის სავაჭრო პალატებთან ხელს შეუწყობს კონკრეტული პროექტების განხორციელებას. ამის შემდგომ გვექნება უფრო ლოკალური შეხვედრები სხვადასხვა ქვეყნების მიმართულებით, სადაც უკვე კონკრეტულ პროექტებს წავრადგენთ. რაც იქნება კარგი ინსტრუმენტი ქართველი ბიზნესმენებისთვის, რათა დამატებითი ინვესტიციების მოზიდვა შესძლონ"- აღნიშნა კახა ბაინდურაშვილმა.
2011-2013 წლებში სავაჭრო-სარმეწველო პალატის პრიორიტეტებია: სამუშაო ადგილების შექმნა, ეკონომიკური განვითარების ხელშეწყობა. სავაჭრო-სამრეწველო პალატაში აღნიშნავენ, რომ მათთვის მთავარი პრიორიტეტი უსაფრთხოებაა და სამომავლოდ ამ მიმართულებით ბრძოლა უნდა გაძგრძელდეს. პალატისთვის მნიშვნელოვანია მცირე ზომის ეფექტური მთავრობის შენარჩუნება.
"მისი გაზრდილი ზომები პირდაპირპროპორციულად ამცირებს ბიზნესის მასას ეკონომიკაში და ანელებს სამუშაო ადგილების შექმნას. მთავრობამ უნდა შეინარჩუნოს დაბეგვრის დაბალი რეჟიმი, რათა ჩვენ გვქონდეს რეინვესტირების საშუალება"- ნათქვამია სავაჭრო-სამრეწველო პალატის მომავალი წლების გეგმებში.
იმისათვის, რომ სავაჭრო-სამრეწველო პალატის გეგმები მიღწეული იქნეს, რამდენიმე არსებული სერვისის გადახალისება და ახალი სერვისის დანერგავა მოხდება, მათ შორის "იოლი სერტიფიკატი" - ამ პროგრამის ფარგლებში მოხდება წარმოშობის სერტიფიკატის გაცემის ელექტრონიზაცია და ყველა ტიპის სერტიფიკატის ფორმების დანერგვა (ევრო1, სტ, ატა, არაბული და ა.შ.)
"არბიტრი" - პალატა შექმნის მიუკერძოებულ და სამართლიან არბიტრაჟს კორპორატიული დავებისათვის.
"book.ge"- პალატა გაწევრიანდება CRS ქსელში და მისი მეშვეობით ნებისმიერი ქართველი თუ უცხოელი მომხმარებელი შესძლებს ინფორმაცია მიიღოს საქართველოს სასტუმროებზე და დაჯავშნოს ადგილები ელექტრონულად.
"მოიძიე პარტნიორი'" - საერთაშორისო პალატებში გაერთიანების/სხვა პალატებთან ურთიერთთანამშრომლობის მემორანდუმების გაფორმების გზით და ფორუმების ორგანიზების საშუალებით ჩვენ ვთავაზობთ მაქსიმალურ შესაძლებლობებს ქართველ ბიზნესმენებს იპოვნონ პარტნიორი/ინვესტორი
"ბიზნეს ნიუსი" - ელექტრონული ბიულეტენი, რომელიც დაეგზავნება ქართველ და უცხოელ ბიზნესმენებსა და მონეტარულ ორგანიზაციებს ქართულ ბიზნესსა და ეკონომიკაში მიმდინარე მოვლენებზე. ასევე, სპეციალური გამოშვებები ქართული ბიზნესისათვის მსოფლიო ეკონომიკაში მიმდინარე მნიშვნელოვანი მოვლენების შესახებ.
"შესაძლებლობები და რისკები" - პალატა იწყებს კვლევებს რაც დაეხმარებათ ბიზნესმენებს უკეთესად განსაზღვრონ ბიზნეს რისკები (მაგ. მშენებლობის სექტორში არსებული ვითარება) ან/და მიიღონ ინფორმაცია ეკონომიკური ოპორტუნიტების შესახებ (მაგ. იმპორტირებული პროდუქციის ჩანაცვლების შესაძლებლობები).
"რეიტინგი" - საკრედიტო რეიტინგების მინიჭება სასესხო ბაზრებსა და საექსპორტო პროდუქტებზე ხელმისაწვდომობის ზრდის მიზნით - კოფასი, აშრა, ოპიკი და სხვა.
"წარმოებულია საქართველოში"- ხარისხის სერტიფიცირება, მსოფლიოში აღიარებული კერძო ხარსიხის სერტიფიცირების დანერგვის გზით (მაგ. ლოიდის შეფასება) ექსპორტის ხელშეწყობის მიზნითა და ქართული პროდუქციის წარმოჩენისათვის; ამავე პროგრამის ფარგლებში მოხდება გამოფენების ორგანიზება.
"ადვოკატი" - ამ პროგრამის ფარგლებში დაინერგება სახაზინო ადვოკატების მომსახურება საგადასახადო მედიაციასა და დავებში დახმარების აღმოჩენისთვის.
"ისწავლე ადვილად" - ტრეინინგების მიწოდების კუთხით დღეს დიდი კონკურენციაა, თუმცა ჩვენ კონცენტრაციას გავაკეთებთ ელექტრონულ ტრეინინგზე განსაკუთრებით მცირე და საშუალო ბიზნესისათვის რეგიონებში, სოციალური ქსელებისა და მესიჯინგის მეშვეობით.
"გახდი ვარსკვლავი" - სასტუმროებისა და რესტორნების შეფასება http://www.zagat.com/.
"ბიზნეს-ინკუბატორი" - შეიქმნება ბიზნესის ინკუბაციის ინფრასტრუქტურა ელ. ინოვაციების სფეროში.
"პროტოკოლი" - პალატა შესთავაზებს სრულფასოვან მომსახურებს ქართველ მეწარმეების სტუმრების დახვედრისა და მათი ბიზნეს ლოგისტიკის კუთხით.
‘ქართული ბიზნეს კატალოგი' - პირველი ელექტრონული კატალოგის მომზადება საჯარო რეესტრის ინფორმაციაზე დაყრდნობით.
"დიალოგი" - პროგრამის ფარგლებში მოხდება მუდმივმომქმედი დარგობრივი ფორუმების მოწყობა ინოვაციების გაზიარებისა და მთავრობასთან დიალოგის მიზნითლ განსაკუთრებილი ყურადღება გამახვილდება რეგიონალურ და დარგობრივ ურთიერთობებზე.
"სასაქონლო ბირჟა"- ვირტუალური ბირჟა, სადაც დარეგისტრირდება მოთხოვნები სხვადასხვა პროდუქციაზე და საწარმოო მოცულობები, რაც ბიზნესმენებს დაეხმარებათ კავშირების დამყარებაში და გაზრდის კონკურენციას.
"ექსპერტი" - გაძლიერდება დამოუკიდებელი სასაქონლო ექსპერტიზა.
‘follow up' - შექიმნება ინვესტორების მიერ შემოთავაზებულ წინადადებებზე სამუშაო ჯგუფი, რომელბიც თავიდან ბოლომდე მიჰყვებიან ნებისმიერ პროექტს.