წინასწარი ინფორმაციით, 2012 წლისათვის აჭარის ბიუჯეტის საპროგნოზო მაჩვენებელი 111 მლნ. ლარით განისაზღვრა, საიდანაც შემოსავლები 93 მლნ. ხოლო არაფინანსური აქტივების კლება 18 მლნ. ლარი იქნება. აღსანიშნავია, რომ აჭარის რესპუბლიკური ბიუჯეტი სახელმწიფო ბიუჯეტიდან ტრანსფერს აღარ ღებულობს, რითაც ავტონომიური რესპუბლიკის რესპუბლიკურ ბიუჯეტსმეტი ფინანსური დამოუკიდებლობა მიენიჭა.
2012 წლისათვის საშემოსავლო გადასახადის საპროგნოზო მაჩვენებელი განისაზღვრა 90 მლნ. ლარის ოდენობით, რაც 2011 წლის გეგმიურ მაჩვებენელს 4,4 პროცენტით აღემატება, იმის გათვალისწინებით რომ მომავალი წლისთვის შენარჩუნებული იქნება საშემოსავლო გადასახადის 20 პროცენტიანი განაკვეთი.
