საბანკო სექტორში განთავსებული მთლიანი დეპოზიტების (სამეწარმეო და შინამეურნეობების სექტორების მიმდინარე ანგარიშებისა და ვადიანი დეპოზიტების, აგრეთვე გადასახდელი პროცენტების ჩათვლით) მოცულობამ 2011 წლის პირველი აგვისტოსათვის 5.0 მლრდ ლარი შეადგინა, რაც 10.1 მლნ ლარით ანუ 0.2 პროცენტით მეტია მიმდინარე წლის პირველი ივლისისათვის არსებულ მაჩვენებელზე. ივლისში, წინა თვესთან შედარებით, ადგილი ჰქონდა სამეწარმეო და შინამეურნეობების სექტორების მიმდინარე ანგარიშების ზრდას 4.2 მლნ ლარით ანუ 0.2 პროცენტით და ვადიანი დეპოზიტების შემცირებას 18.0 მლნ ლარით ანუ 0.6 პროცენტით.
დეპოზიტების დოლარიზაციის კოეფიციენტმა მიმდინარე წლის პირველი აგვისტოსათვის 67.7 პროცენტი შეადგინა - 2.4 პროცენტული პუნქტით ნაკლები პირველი ივლისის მდგომარეობასთან შედარებით.

ვადიან დეპოზიტებზე საშუალო წლიურმა შეწონილმა საპროცენტო განაკვეთმა 8.3 პროცენტი შეადგენა, მათ შორის ეროვნული ვალუტით განთავსებულ დეპოზიტებზე - 11.7 პროცენტი, ხოლო უცხოური ვალუტით განთავსებულ დეპოზიტებზე - 7.8 პროცენტი.
უცხოური ვალუტით განთავსებულ დეპოზიტებში აშშ დოლარის წილმა 74.2 პროცენტი, ხოლო ევროს წილმა 19.7 პროცენტი შეადგინა.