ქუთაისში პარლამენტის მშენებარე შენობა, დღეს საქართველოს პრეზიდენტმა მოინახულა. შემდგომ კი ახლად აშენებულ კონტროლის პალატას ეწვია. მიხეილ სააკაშვილი განცხადებით, ახალი ქუთაისის ასაშენებლად ყველაფერი კეთდება. ქვეყნის პირველი პირის თქმით, მშენებლობები ქუთაისის ეკონომიკურ-კულტურულ განვითარებას შეუწყობს ხელს.
დღესვე, პრეზიდენტმა რეაბილიტირებული აღმაშენებლის ქუჩა გახსნა. ქალაქის პირველი ველოტრასა, რომლის სიგრძე 6,5 კილომეტრია, ამავე ქუჩაზე გაკეთდა; ტერიტორიაზე 300 პალმა დაირგო და მოეწყო ხეივანი, სასეირნო ბილიკები და მოსასვენებლი ადგილები, დამონტაჟდა თანამედროვე განათებები. ნათურები მზის ენერგიის ზემოქმედებით იმუხტება.
ახლად რეაბილიტირებულ ქუჩაზე მდებარეობს დავით აღმაშენებლის ძეგლი, რომელიც აქამდე ქალაქის ცენტრში იყო განთავსებული. ქუჩის რეაბილიტაციისთვის ბიუჯეტიდან 2 მილიონ ლარზე მეტი გამოიყო. სამუშაოები სამ თვის განმავლობაში მიმდინარეობდა.
მასალის გამოყენების პირობები
