აჭარის მაღალმთიანი სოფლების ტურისტული პოტენციალის შესწავლისა და ახალი ტურისტული ტურების შექმნის მიზნით, ტურიზმის დეპარტამენტის წარმომადგენლებმა გასვლითი ღონისძიებები დაიწყო.
სააგენტოს ინფორმაციით, უკვე განხორციელდა სოფელ კვირიკესა და ჩაქვისთავის ოჯახური ტიპის სასტუმროების დათვალიერება.
აჭარის ტურიზმის დეპარტამენტში განმარტავენ, რომ სოფლის ტურიზმით დაინტერესებულებისთვის შეიქმნა სპეციალური ტურისტული პაკეტი, რომლებშიც შესულია ამ ვიზიტისას არჩეული ოჯახური სასტუმროები.
ტურიზმის დეპარტამენტი კვლავაც გეგმავს მომავალში ამა თუ იმ სოფლის ტურისტული პოტენციალის შესწავლას, საჭირო რეკომენდაციების გაცემასა და სოფლად ტურიზმის განვითარებისათვის ხელშეწყობას.