"რთველი 2011"-ის ფარგლებში კახეთში დაახლოებით 120 ათასი ტონა ყურძნის მოსავალს ელოდებიან.
როგორც სააგენტო "ჯი-ეიჩ-ენთან" საუბრისას სოფლის მეურნეობის მინისტრმა ბაკურ კვეზერელმა განაცხადა, 2011 წელს კახეთში 25 %-ით მეტი მოსავლის აღება იგეგმება, ვიდრე გასული წლის რთველის დროს. რაც შეესება კომპენსაციას, კვეზერელით თქმით, თანხის გაცემის სქემა გასული წლების მსგავსი იქნება.
შეგახსენებთ, რომ 2010 წელს რთველის სუბსიდირებისთვის მთავრობის სარეზერვო ფონდიდან 6,1 მილიონი ლარი გამოიყო. მევენახეებს სუბსიდიის მიღება ყურძნის ჩაბარებიდან სამი თვის განმავლობაში შეეძლოთ.
2010 წელს ღვინის ქარხნებმა ერთი კილოგრამი საფერავის ჯიშის ყურძენი 40 თეთრად ჩაიბარეს და სუბსიდიის სახით დამატებით 25 თეთრი გაიცემოდა. რქაწითელში 30 თეთრს ღვინის ქარხანა იხდიდა, 15 თეთრი სუბსიდიიდან გაიცემოდა. გასულ წელს, რამდენიმე დღის განმავლობაში, რქაწითელის ჯიშის ყურძნის ჩასაბარებელი ფასი 45-იდან 80 თეთრამდეც გაიზარდა.
