სურსათის ეროვნული სააგენტო აღმოსავლეთ საქართველოში ამერიკული სიმინდის ნათესებში პოლიფაგი მავნებლების - ხვატარისა და ფარვანას წინააღმდეგ ქიმიურ წამლობას ახორციელებს.
როგორც "ჯი-ეიჩ-ენს" სააგენტოდან აცნობეს, აღმოსავლეთ საქართველოში დაგეგმილია 3 ათასი ჰექტარი ფართობის დამუშავება.
მავნებლის წინააღმდეგ ბრძოლის ღონისძიებები ჩატარდება შიდა ქართლში, ქვემო ქართსა და კახეთის რეგიონში, ასევე დასავლეთ საქართველოს იმ რაიონებში, სადაც მავნებლის ძლიერი გავრცელება შეინიშნება. დასავლეთ საქართველოში დამუშავდება 3000 ჰა ფართობი.
პოლიფაგი მავნებლები - ხვატარი და ფარვანა მასობრივი გავრცელების უნარით გამოირჩევიან. მდელოს ხვატარი ანადგურებს 37-მდე სხვადასხვა სახეობის პარკოსან და მარცვლოვან კულტურებს. ძირითადად აზიანებს სამარცვლე და სასილოსე სიმინდის ყანებს. ხელსაყრელი კლიმატური პირობების გამო (გაზაფხულზე ხანგრძლივი წვიმები, დაბალი ტემპერატურა) მომრავლდა ასევე ნაირჭამია მავნებელი - ფარვანა, რომლის ძირითად საკვებ კულტურას სიმინდი წარმოადგენს. სიმინდის მაღალი მოსავლის პირობებში მოსალოდნელი ზარალის თავიდან აცილების მიზნით, სახელმწიფო მიზნობრივი პროგრამის - "მცენარეთა დაცვა და ფიტსანიტარული კეთილსაიმედოობა" - დაიგეგმა დაზიანებული ფართობების დამუშავება.