საქართველოს მთავრობა სახელმწიფო კომპანიების აქციათა ნაწილს საერთაშორისო ბირჟებზე გაიტანს. როგორც დღეს მთავრობის სხდომაზე პრემიერ-მინისტრმა ნიკა გილაურმა განაცხადა, პრივატიზაციის მხრივ საკანომდებლო ცვლილებებია, რაც ქვეყანას საშუალებას მისცემს სახელმწიფო კომპანიების სააქციო პაკეტები საერთაშორისო ბირჟებზე განვათავსდეს.
"დღემდე ამის შესაძლებლობას, არსებული რეგულაციები არ გვაძლევდა და გვინდა განვიხილოთ შესაძლებლობა აქციათა 15-20 %-ის განთავსებისა, ლონდონისა და ვარშავის ბირჟებზე, როგორიცაა "საქართველოს რკინიგზა", "ნავთობისა და გაზის კორპორაცია", სახელმწიფო ელეტქროსისტემა" და სხვა სახელმწიფო კომპანიები,"- აცხადებს ნიკა გილაური.
პრემიერ-მონისტრის განმარტებით, აქციათა საერთაშორისო ბირჟებზე განთავსება საქართველოს საშუალებას მისცემს დიდი რაონებობით ახალი კაპიტალი მიზიდოს.
"ეს ყველაფერი კი სტიმულს მისცემს კერძო კომპანიებს, რომ იგივე გააკეთონ და ქვეყანაში დამატებითი კაპირტალი შემოიტანონ, რაც, თავის მხრივ, ხელს შეუწყობს ქვეყნის ეკონომიკის განვითარებასა და დასაქმებას. საერთაშორისო ბირჟებზე დღეს სახარბიელო ვითარება არ არის, თუმცა, მიუხედავად ამისა მინდა აღვნიშნო, რომ საქართველოსადმი ნდობა შემცირებული არ არის. პირიქით, გაზრდილია და საქართველოს ფასიანი ქაღალდები კიდევ უფრო კარგად ივაჭრება. თუ საქართველოს 10 წლიანი სესხი აქამდე 7,1 %-ში ივაჭრებოდა, ახლა უფრო დაბალ 6,2 %-ში ივაჭრება, რაც იმას ნიშნავს, რომ საერთაშორისო საზოგადოება საქართველოს მაკროეკონომიკურ სტაბილურობას დადებითად აფასებს," - აღნიშნა ნიკა გილაურმა.