"თბილისის №2 სამშობიარო სახლის" მფლობელი კომპანია "ნიუ ლაიფი" ხდება. "თბილისის №2 სამშობიარო სახლის" გასხვისებაზე დღეს მთავრობის სხდომაზე იმსჯელებენ.
"ჯი-ეიჩ-ენის" ინფორმნაციით კომპანია სამედიცინო დაწესებულებაში 1,5 მლნ. ლარს გადაიხდის. ინვესტორი ვალდებული იქნება ასევე სამედიცინო დაწესებულებას შვიდი წლის განმავლობაში პროფილი შეუნარჩუნოს და თანამედროვე ტექნოლოგიებით აღჭურვოს.
"ნიუ ლაიფი" სამეწარმეო რეესტრში რეგისტრირებულია 2011 წლის 5 აგვისტოს. კომპანიის 100 %-იანი წილის მფლობელია შპს "ჯანმრთელი ცხოვრება", დირექტორი კი ელენე გიორგაძე. კომპანიის იურიდიული მისამართია თბილისის, დიდუბე-ჩუღურეთის რაიონი, ლუბლიანას ქ. №2/6.
