"ვისოლ ჯგუფი" "პრაიმ ტაიმის" მიერ ორგანიზებულ საქველმოქმედო აქციას უერთდება და აგვისტოს ომის დროს დაღუპულთა მოსაგონარი კამპანიის ყაყაჩოებისა და მაისურების რეალიზაციას "სმარტში" იწყებს. დღეიდან აღმაშენებლის ხეივნის მეცამეტე კილომეტრზე და ვაზისუბნის მეორე კვარტალში მდებარე "სმარტის" სუპერმარკეტში ნებისმიერ მსურველს საშუალება ექნება შეუერთდეს საქველმოქმედო აქციას და პატივი მიაგოს ომში დაღუპულ გმირებს.
"საზოგადოებაზე ზრუნვა ვისოლის სოციალური პასუხისმგებლობის სტრატეგიის ერთ-ერთი ყველაზე მნიშვნელოვანი მიმართულებაა. აგვისტოს ომის პირველსავე დღეებში შევქმენით "ვისოლის საერთაშორისო სოლიდარობის ფონდი" და ყოველდღიურად ვეხმარებოდით პირველადი მოხმარების ნივთებითა და საკვები პროდუქტებით სხვადასხვა თავშესაფარში განთავსებულ ლტოლვილებს და ომის შემდგომაც მრავალი პროექტი განვახორციელეთ მათ დასახმარებლად", - აცხადებენ "ვისოლში".
ერთი კვირის განმავლობაში ვისოლ ჯგუფის შვილობილი კომპანიების - ვისოლ პეტროლიუმის, სმარტის, ავტოექსპრესის ყველა თანამშრომელი აგვისტოს ომის დროს დაღუპულთა მოსაგონებლად ყაყაჩოს გულსაბნევით ემსახურება მომხმარებელს და საზოგადოებას სამშობლოსთვის თავდადებულ გმირებს ახსენებს.
"ტორპედო ქუთაისის" მოთამაშეებმა კი ქუთაისის ცენტრალურ სტადიონზე საქართველოს ჩემპიონატის სეზონის გახსნაზე ზესტაფონის გუნდს მაისურებზე დაბნეული ყაყაჩოებით უმასპინძლეს.