საქართველოს კომუნიკაციების ეროვნულმა კომისიამ 2011 წლის 2 ივნისს გაგზავნილი წერილით, სამაუწყებლო ლიცენზიის მფლობელებს "მაუწყებლობის შესახებ" საქართველოს კანონის 49-ე მუხლის შესაბამისად, უკანასკნელი 1 თვის პროგრამების სრული ჩანაწერების ციფრული მატარებლების საშუალებით (CD, DVD) კომისიაში წარმოდგენა დაავალა. ზემოთ ხსენებულმა მაუწყებლებმა, კომისიის მიერ მოთხოვნილი ინფორმაცია, ზოგ შემთხვევაში არასრულად ან დაგვიანებით, ან საერთოდაც არ წარმოადგინეს.

საქართველოს კომუნიკაციების ეროვნულ კომისიაში გამართულ სხდომას ოთხივე ტელეკომპანიის წარმომადგენელი ესწრებოდა, მათ მიეცათ საშუალება დაეფიქსირებინათ საკუთარი პოზიცია, ყველა მტკიცებულების განხილვის შემდეგ კომისიამ შპს „თანამგზავრის", შპს „მე-5 არხის" და შპს "თრიალეთის" გაფრთხილების გადაწყვეტილება მიიღო. რაც შეეხება შპს ტელერადიოპრესკომპანია "ზარს", დარღვევის არარსებობის გამო კომპანიის მიმართ ადმინისტრაციული წარმოება შეწყდა.