"ბილაინი" დაფარვის ზონას კიდევ უფრო აფართოებს. კომპანიის ინფორმაციით, დღეიდან ბილაინის ქსელით სარგებლობა, სვანეთში, კერძოდ; სოფელ ხაიშში, იდლიანში, მესტიაში და ჯვარი -ხაიშის ტრასის მონაკვეთზე გახდა შესაძლებელი.
"ჩვენ, შევასრულეთო პირობა, რომელიც წლის დასაწყისში მივეცით ჩვენს მომხმარებლებს, და სვანეთშიც დავიწყეთ ქსელის მშენებლობა. მშენებლობა, ამინდების გაუარესებამდე დასრულდება, და სექტემბერში გაცილებით უკეთესი ქსელი გვექნება. როგორც თქვენ იცით, ბილაინის ძირითად ამოცანას დაფარვის ზონის გაფართოება წარმოადგენს, კომპანიას დასახული აქვს, რომ 2011 წლის ბოლოს, დაფარვის ზონა მაქსიმალურად მიუახლოვდეს სრულყოფილს. ქვეყნის ტურისტული მიმართულებების განსაკუთრებით გააქტიურების პარალელურად, ბილაინი ცდილობს, რომ საუკეთესო ხარისხის დაფარვის ზონა შესთავაზოს აბონენტებს, იქ სადაც ტურისტული ნაკადი განსაკუთრებით გაიზარდა"- განაცხადა "ბილაინის" გენერალურმა დირექტორმა ანდრეი პიატახინმა,
შეგახსენებთ, რომ უკვე რამდენიმე თვეა, ბილაინი აქტურად აფართოებს დაფარვის არეალს. კომპანიის ქსელით სარგებლობა სრულყოფილად შესაძლებელია დიდ ქალაქებში და ქვეყნის ძირითად ტრასებზე, მიმდინარეობს ინტენსიური მუშაობა შედარებით რთულად ასათვისებელ, მთიან რეგიონებზე.