"იბერულას" რამდენიმე მაღაზია, რომელიც ამ დროისათვის არ ფუნქციონირებს, რამდენიმე დღეში გაიხსება. როგორც სააგენტო "ჯი-ეიჩ-ენთან" საუბრისას "იბერმით ჯორჯიას" გენერალურმა დირექტორს დავით ბარაბაძემ განაცხადა, მაღაზიათა ქსელის ნაწილში ამ დროისათვის აღწერა მიმდინარეობს, რადგანაც მენეჯმენტი იცვლება. ბარაბაძის თქმით, ქსელში გარკვეული დანაკლისი დაფიქსირდა და სწორედ ამიტომ კომპანიის ხელმძღვანელობამ მენეჯმენტის შეცვლა გადაწყვიტა.
კომპანია "იბერმითი", რომელიც სოფელ ნატახტარში სასაკლაოს ფლობს, თბილისში მაღაზიათა ქსელ "იბერულათია" წარმოდგენილი.
"იბერულაში" მომხმარებელს გადაუმუშავებელი საქონლის, ღორისა და ქათმის ხორცის შეძენაა შესაძლებელი.
ხორცის პირველადი გადამამუშავებელი ქარხანა „იბერმითი" ნატახტარში 2010 წელს გაიხსნა. საწარმო ქართული ინვესტიციით აშენდა და მასში დაახლოებით 8 მლნ ლარის ინვესტიცია ჩაიდო.
