საერთაშორისო სისხლის სამართლის პროკურორს, 2008 წელს სამხრეთ ოსეთში მომხდარი მოვლენების შესახებ სისხლის სამართლის საქმის მასალების ასლები გაეგზავნა. ინფორმაციას ამის შესახებ რუსეთის ფედერაციის საგამოძიებო კომიტეტის ოფიციალური წარმომადგენელი ვლადიმერ მარკინი ავრცელებს.
"სისხლის სამართლის საქმის მასალების ასლები გადაგზავნილია ამ საკითხის გადაწყვეტისა და ქართველი თანამდებობის პირებისათვის სისხლის სამართლის პასუხისმგებლობის დაწესებისათვის, რომლებიც დამნაშავენი არიან რუსეთის მოქალაქეების წინააღმდეგ ჩადენილ დანაშაულებებში. ყოველივე ეს საერთაშორისო სასამართლოს პროკურორისთვისაა გადაგზავნილი, რომლის იურისდიქციაში შედის კაცობრიობის წინააღმდეგ ჩადენილი დანაშაულებების გამოძიება", _ აცხადებს მარკინი.
მისივე თქმით, ამ სისხლის სამართლის საქმესთან დაკავშირებით, გამომძიებლები იმყოფებოდნენ ე.წ. სამხრეთ ოსეთისა და აფხაზეთში იმისათვის რათა შეეგროვებინათ უტყუარი მტკიცებულებები, რომლებიც გააბათილებდნენ ქართული მხარის მტკიცებულებებს, რომლებიც მათ გაეროს საერთაშორისო სასამართლოში წარდგენილ სარჩელში - "საქართველო რუსეთის წინააღმდეგ" აქვთ შეტანილი.