თბილისის მერის მოადგილე გიორგი ცხაკაია და არქიტექტურის სამსახურის უფროსი არისი ბოჭოიძე გუდაურის ტერიტორიაზე რეკრეაციულ ზონაში არქიტექტურული ობიექტების ესკიზურ პროექტებზე გამოცხადებულ კონკურსში გამარჯვებულ ავტორებს შეხვდნენ.
გუდაურის ტერიტორიაზე რეკრეაციულ ზონაში არქიტექტურული ობიექტების ესკიზურ პროექტებზე კონკურსი თბილისის მერიამ ივნისში გამოაცხადა. პროექტის მიზანია გუდაურის არქიტექტურული კონცეფციის შემუშავება და ტერიტორიის განვითარება.
ნებისმიერ მსურველს შესაძლებლობა ჰქონდა დაეპროექტებინა სასტუმროები, ერთბინიანი და მრავალბინიანი საცხოვრებელი სახლები და პროექტის ესკიზური ვარიანტი თბილისის მერიაში წარმოედგინა ან ვებ-გვერდზე www.architect.tbilisi.gov.ge ე.-ზე აეტვირთა.
თბილისის მერიაში სულ 53 საკონკურსო განაცხადი შევიდა. წარმოდგენილი ნამუშევრებიდან კომპეტენტურმა ჟიურიმ 17 ესკიზური პროექტი გამოავლინა. თითოეული პროექტის ავტორი ფულადი პრემიით დაჯილდოვდება.
გაიმარჯვა ყველა იმ პროექტმა, რომელიც გუდაურის კლიმატსა და ლანდშაფტს მოერგო.
გუდაურში მშენებლობის დაწყების მსურველს შესაძლებლობა აქვთ მისთვის სასურველი ესკიზური პროექტი ჩამოტვირთოს www.architect.tbilisi.gov.ge-დან, შენობის დაპროექტება ნებისმიერ მისთვის სასურველ არქიტექტორს დაუკვეთოს და დაიწყოს მშენებლობა უმოკლეს ვადაში.
