ტურისტულ ბაზარზე ახალი მოთამაშე გამოჩნდა. ტურისტული კომპანია Golden Georgia ძირითად აქცენტს შიდა ტურიზმის განვითარებაზე აკეთებს. Golden Georgia ტურისტებს სხვადასხვა სახის ტურპაკეტებს სთავაზობს.
კომპანიაში აცხადებენ, რომ ტურისტებისათვის შიდა ბაზარზე მიმზიდველი სვანეთი, კახეთი, მცხეთ-მთიანეთი, სამეგრელო, რაჭაა.
"ძირითადად აქცენტს ვაკეთებთ შიდა ტურებზე: კულტურული, შემეცნებითი, ეკოტურები, ექსტრემალური, ღვინის ტურები. ასევე გვაქვს სამლოცველო და სამკურნალო ტურები. აქტიურად ვმუშაობთ ასევე აგრო ტურიზმის განვითარებზე საქართველოში. კლიენტების მხრიდან წამოსული მოთხოვნილებისამებრ დავიწყეთ გარე ტურებზე მუშაობა და გვყავს საიმედო პარტნიორები, ტურისტული კომპანიები, რომლებთანაც ვთანამშრომლობთ", - განაცხადა სააგენტო "ჯი-ეიჩ-ენთან" საუბრისას Golden Georgia - ს აღმასრულებელმა დირექტორმა ხათუნა ცნობილაძემ.
ცნობილაძე განმარტავს, რომ საქართველოში ჩამოსული უცხოელი ტურისტების მხრიდან მოთხოვნა ძირითადად კულტურულ, ღვინის ტურებსა და ეკოტურებზეა.
Golden Georgia - ს მენეჯმენტი ამბობს, რომ მიუხედავად იმისა, რომ კომპანია ახალი გახსნილია, ტურისტულ მომსახურეობაზე მოთხოვნა ყოველდღიურად მატულობს.
"ჩვენ, ჩვენს მომხმარებელს ვთავაზობთ აფსოლიტურ სერვისა და მაღალი ხარისხით და დაბალი ფასებით"- აცხადებენ კომპანიაში.
.მიუხედავად იმისა, რომ დღეს ტურისტულ ბაზარზე საკმაოდ ბევრი მოთამაშეა, კონკურენციის პირობებში საქართველოში დასვენება მაინც ძვირია, თუმცა როგორც Golden Georgia - ში განმარტავენ, ისინი ტურისტებს სხვა კომპანიებისგან განსხვავებით შედარებით დაბალ ფასად ემსახურებიან.
შეგახსენებთ, რომ Golden Georgia დაფუძნდა 2011 წლის მაისში, რომელიც აქტიურად მუშაობს საქართველოში ტურისმის განვითარებაზე, კომპანიის მიზანია ტურისტებს გააცნოს საქართველოს ისტორიული მემკვიდრეობა კულტურა და აშ.
მენეჯმენტი აცხადებს, რომ აქცენტს აკეთებს არა შემოსავლებზე, არამედ დაბალ ფასებსა და მაღალ ხარისხზე.
