ივნისში საქართველოს წლიური ინფლაცია 10%-ს გაუტოლდა მაშინ, როდესაც მაისში სამომხმარებლო ფასების წლიურმა ზრდამ 14.3% შეადგინა, ამის შესახებ ინფორმაციას "ბი ჯი კაპიტალი" ავრცელებს.
მათივე ინფორმაციით, სამომხმარებლო ფასების ინდექსის ზრდა კვლავ განპირობებული იყო სურსათზე ფასის მატებით. გასული წლის ამავე პერიოდთან შედარებით, სურსათის ფასი 22%-ით გაიზარდა. შედარებისათვის, მაისში ზრდამ 30.7% შეადგინა (ივნისში გასულ თვესთან შედარებით სურსათის ფასი 8.9%-ით შემცირდა). აღსანიშნავია, რომ სურსათის ფასების ზრდა ინფლაციის ძირითადი განმაპირობებელი ფაქტორია და მისი წილი მთლიან ინფლაციაში 8.9%-ს შეადგენს.
"ჩვენი აზრით, საკმაოდ დიდი ალბათობაა იმისა, რომ ინფლაცია მიმდინარე წლის ბოლოსათვის ერთციფრიან ნიშნულს დაუბრუნდეს, ძირითადად მაღალი შესადარი ბაზის გამო", აცხადებს "ბი ჯი კაპიტალის" სააქციო კაპიტალის ბაზრის ანალიტიკოსი გიორგი ირემაშვილი,