ეკონომიკისა და მდგრადი განვითარების სამინისტრომ თავისუფალ ტურისტულ ზონაში საშუალო და მაღალი კლასის სასტუმროს კრიტერიუმები განსაზღვრა. ვერა ქობალიას ბრძანებულების თანახმად, თავისუფალ ტურისტულ ზონაში საშუალო კლასის სასტუმროს ერთი ნომრის ოთახ(ებ)ის ფართობი - არა ნაკლებ 21 კვ.მ. უნდა იყოს, მაღალი კლასის სასტუმროს შემთხვევაში კი სასტუმროს ერთი ნომრის ოთახ(ებ)ის ფართობი - არანაკლებ 25 კვ.მ.
მინისტრის ბრძანებულების მიხედვით ირკვევა, რომ საშუალო და მაღალი კლასის სასტუმროების აღჭურვისა და მომსახურების დონედ, ასოციაცია ,,გლობალ სტარის" მიერ დადგენილი სამ- და ოთხვარსკვლავიანი სასტუმროების შეფასების შესაბამისი მახასიათებლების მქონე აღჭურვა და მომსახურება განისაზღვროს.
