1 ივლისს ჩატარდება მეცნიერთა ბანაკში მონაწილეობის მსურველი სტუდენტების თემების საბოლოო განხილვა და შეფასება ორგანიზატორებისა და სპეციალურად შექმნილი ჟიურის მიერ. პრეტენდენთა გამოვლენის დასკვნითი ეტაპია გასაუბრება უცხო ენაში, რადგან „ახლაგაზრდა მეცნიერთა მეორე საერთაშორისო ბანაკის" სამუშაო ენა ინგლისური იქნება.

24 ივლისიდან 2 აგვისტომდე, დაბა ბაკურიანში (სასტუმრო „პრემიერ-პალასი") ჩატარდება „ახალგაზრდა მეცინერთა მეორე საერთაშორისო ბანაკი - ბაკურიანი, 2011", რომლის ორგანიზატორია „ახალგაზრდა მეცნიერთა განვითარების ფონდი", ხოლო სპონსორი და მხარდამჭერი - კომპანია „ნატახტარი". ბანაკში, რომლის მიზანია ახალგაზრდების პროფესიული ზრდა, ქართველი და უცხოელი მეცნიერების დაახლოება, მათ შორის, ინფორმაციის გაზიარების ხელშეწყობა და მომავალში ერთობლივი სამეცნიერო პროექტების განხორციელების წახალისება, მონაწილეობას მიიღებს ოცდაათამდე ახალგაზრდა მეცნიერი საქართველოდან, ფინეთიდან, თურქეთიდან, ლატვიიდან და გერმანიიდან. ჩვენ ქვეყანას წარმოადგენენ ივ. ჯავახიშვილის სახელობის თბილისის სახელმწიფო უნივერსიტეტისა, საქართველოს ტექნიკური უნივერსიტეტისა და ილიას უნივერსიტეტის სტუდენტები და მაგისტრანტები.

ბანაკი 8 დღის განმავლობაში გაგრძელდება და მისი მიმდინარეობისას გაიმართება სემინარები, სამუშაო შეხვედრები, პრეზენტაციები და ახალგაზრდების დებატები შავი ზღვის რეგიონის ეკოლოგიურ თემებზე, როგორიცაა: წყლის რესურსები (მიწისქვეშა წყლები და მდინარეები), ველური ბუნება (ბიომრავალფეროვნება და დაცული ტერიტორიები) და ბუნებრივი კატასტროფები. ამასთან, გაიმართება სხვადასხვა შემეცნებით-გასართობი ღონისძიება.

არასამთავრობო ორგანიზაცია „ახალგაზრდა მეცნიერთა მხარდაჭერის ფონდი" დაფუძნდა 2010 წლის ივნისს „თსუ ანდრონიკაშვილის ფიზიკის ინსტიტუტის" მიერ და კომპანია „ნატახტარის" ხელშეწყობით. ფონდის მიზნებია: საქართველოში ზოგადად მეცნიერებისა და მისი კონკრეტული დარგების განვითარების ხელშეწყობა სხვადასხვა მიზნობრივი, ახალგაზრდული პროგრამებისა და პროექტების განხორციელების გზით; ზოგადად მეცნიერებისა და მისი კონკრეტული დარგების მაქსიმალური პოპულარიზაცია ფართო მოსახლეობაში და განსაკუთრებით ახალგაზრდობაში სხვადასხვა საინფორმაციო კამპანიების განხორციელების გზით; ახალგაზრდა მეცნიერების, სტუდენტების, მაგისტრანტების, ასპირანტებისა და სკოლის მესამე საფეხურის მოსწავლეების მხარდაჭერა სამეცნიერო პროექტების განხორციელების, მეცნიერული შეჯიბრებების ორგანიზებისა და სამეცნიერო განათლების მიღების კუთხით; მეცნიერების განვითარებისა და ახალგაზრდა მეცნიერთა პროფესიული ზრდის მიმართულებით განხორციელებული პროგრამების, პროექტების მხარდაჭერა და ამ მიზნით სხვა სამეცნიერო, საზოგადოებრივ, საგანმანათლებლო, საჯარო, საერთაშორისო თუ კომერციულ ორგანიზაციებთან თანამშრომლობა;