2011 წლის მაისში საქართველომ რეკორდული მოცულობის ექსპორტი განახორციელა. როგორც მთავრობის სხდომის დაწყების წინ პრემიერ-მინისტრმა ნიკა გილაურმა განაცხადა, მაისში საქართველოდან 200 მილიონი დოლარის პროდუქცია გავიდა, რაც რეკორდული მაჩვენებელია.
"მაისში 200 მილიონი დოლარის ექსპორტი განვახორციელეთ, რომელიც რეკორდულად მაღალი ციფრია საქართველოსთვის. არც ერთ თითოეულ თვეს საქართველოს ამ მასშტაბის ექსპორტი არ ჰქონია, რაც თავის მხრივ საქართველოს ეკონომიკურ განვითარებაზე მეტყველებს", - განაცხადა გილაურმა.