აღმოსავლეთ-დასავლეთის დამაკავშირებელ მაგისტრალზე მიმდინარე სარეაბილიტაციო საუშაოებზე მთავრობამ სამჯერ ნაკლები ხარჯი გასწია. როგორც დღეს რეგიონალური განვითარების მინისტრმა რამაზ ნიკოლაიშვილმა განაცხადა, სტიქიის შედეგად დაზიანებული გზა მთლიანად აღდგენილია და მისი რეაბილიტაციისათვის სახელმწიფომ დაახლოებით 12 მილიონ ლარამდე დახარჯა.
"გუშინ საღამოს, როგორც დაგპირდით ერთკვირიანი სამშენებლო სამუშაოების შემდეგ გზა გაიხსნა და მაშინვე მთლიანად დაიტვირთა.Gგზა მაქსიმალურადაა გამაგრებული, თუმცა გარკვეული სამუშაოები მაინც გრძელდება. სამუშაოების ღირებულება 12 მილიონ ლარამდე მერყეობს, თუმცა რამდენიმე ინჟინერულმა გადაწყვეტილებამ ეს ღირებულება სამჯერ შეამცირა, გამომდინარე აფეთქებითი სამუშაოების მეშვვეობით ინერტული მასალა რომელიც სამშენებლოდ გვჭირდებოდა, ადგილზე მოვიპოვეთ, რამაც თავის მხრივ პროექტის ღირებულება შეამცირა" - განაცხადა ნიკოლეიშვილმა.
ნიკოლეიშვილმა პრემიერ-მინისტრთთან საუბრისას აღნიშნა, რომ დავალება მიეცათ გეოლოგიურ სამსაუხრს, რათა დეტალურად იქნას შესწავლილი ადგილზე არსებული ვითარება პრევენციის მიზნით. როგორც გილაურთან საუბრისას ნიკოლაიშვილმა განაცხადა, მან მთავრობის ხელმძღვანელის დავალება პირნათლად შეასრულა.
პრემიერ-მინისტრის თქმით, აღმოსავლეთ დასავლეთის მაგისტრალზე სარეაბილიტაციო სამუშაოები ერთ-კვირაში განხორციელდა, მაშინ როდესაც მეწყერის შედეგად დაზიანბული გზის აღდგენას 2-3 კვირა ესაჭიროებოდა.