მთავრობა მეთევზეების სერთიფიცირებას გეგმავს. პროექტის ფარგლებში "საქართველოს საზღვაო ტრანსპორტის სააგენტო" მეთევზე-მეზღვაურებზე დროებით მოწმობებს გაცემს. აღნიშნულიდან გამომდინარე, სააგენტო ფოთსა და ბათუმში უზრუნველყოფს მეთევზე-მეზღვაურთათვის სპეციალური ერთდღიანი სასწავლო კურსის ჩატარებას.
სასწავლო კურსის შედეგად თითოეული მეთევზე-მეზღვაური მიიღებს დროებით მოწმობას, რომლის საფუძველზეც მიეცემათ შესაძლებლობა, პრობლემურ საკითხთა საკანონმდებლო დონეზე მოგვარებამდე უსაფრთხოდ მართოს თევზსაჭერი გემი/ნავი და თევზსაჭერი მოწყობილობა და დაიცვას პირადი უსაფრთხოება. აღნიშნული დროებითი მოწმობის გაცემის სავალდებულო
წინაპირობაა, თითოეული მეზღვაურის მიერ ერთი სასწავლო დღის სრულად გავლა. კურსზე დასწრება მეთევზე-მეზღვაურთათვის იქნება უფასო.
დროებითი მოწმობები ძალაში იქნება საქართველოში მეთევზე-მეზღვაურთა
სერტიფიცირების პრობლემის საკანონმდებლო დონეზე მოგვარებამდე, რათა არ შეეშალოთ ხელი მათი საკუთარი პროფესიული მოვალეობის განხორციელებაში. იმავდროულად, აღნიშნული დროებითი მოწმობები არ შეცვლის საქართველოს საერთაშორისო ხელშეკრულებებით განსაზღვრულ მეზღვაურთა სერტიფიკატებს.