ქართული პოლიციის წარმატებას ენ-ტე-ვე-მ ვრცელი სიუჟეტი მიუძღვნა. გადამღები ჯგუფი პირადად შეხვდა შსს-ის მინისტრ ვანო მერაბიშვილს. სიუჟეტის თანახმად, მერაბიშვილის მთავარ სიამაყედ შსს-ს მომსახურების სააგენტო დასახელდა.
მებარიშვილის თქმით, ყოფილ საბჭოთა სივრცეში ქართული პოლიცია ცნობილი იყო, როგორც ყველაზე ცუდი და კორუმპირებული.
"ძველი მენტალიტეტის შეცვლა შეუძლებელი იქნებოდა, ამიტომაც გადავწყვიტეთ, შეგვეცვალა მათი 70-80 %. ყველაზე რთული ბრძოლა იყო არა კრიმინალთან ან კორუფციასთან, არამედ უარის თქმა მათთვის, მათივე ნთესავებისა და ახლობლებისთვის",_აღნიშნა ვანო მერაბიშვილმა.
გადაცემის მსვლელობისას წამყვანმა ვადიმ პაკმენიოვმა პარალელი რუსულ პოლიციასთანაც გაავლო.
მისი შეფასებით, იმ დროს, როცა რუსეთის პრეზიდენტის ბრძანებულების მიუხედავად, პოლიციის რეფორმა ჭიანურდება, ოდესღაც კორუფციით ცნობილი ქართული სამართალდამცავი ორგანოები რადიკალურად შეიცვალა და წარმატებას მიაღწია.
გადაცემის გადამღები ჯგუფი საქართველოში ყოფნისას, ასევე, გაესაუბრა შსს-ის თანამშრომლებსა და მოქალაქეებს.
