ლაგოდეხის რაიონის სოფელ თამარიანში საცხოვრებელი სახლები დაიტბორა
გადაუღებელი წვიმის შედეგად 200-მდე ოჯახი დაზარალდა.
სანიაღვრე არხებიდან გადმსულმა წყალმა საცხოვრებელი სახლების პირველი სართულები დატბორა.
განადგურდა სურსათის მარაგი, საყოფაცხოვრებო ნივთები, დახოცილია შინაური პირუტყვი. დაიტბორა 50 ჰექტრამდე საკარმიდამო მიწის ნაკვეთი. ასევე, განადგურდა ბოსტნეული და ერთწლიანი ნარგავები.
ზარალის ოდენობას სპეციალური კომისია შეისწავლის.
