რუსეთის საოკუპაციო ძალები გალის მცხოვრებთა გადაბირებას ცდილობს. როგორც საქართველოს საგარეო საქმეთა მინისტრის მოადგილე ნინო კალანდაძემ დღეს გამართულ ტრადიციულ პრესკონფერენციაზე განაცხადა, მოსკოვს გალებების გამოყენება საქართველოს წინააღმდეგ ტერორისტული აქტების განხორციელებაში სურს.
"ძალიან რეალური შეიძლება იყოს საფრთხე, რომ რუსეთი გალში მაცხოვრებელთა გადაბირებას ცდილობს. მას ამ კუთხით წარამეტების გარკვეული შანსიც აქვს, რადგან გალში სწორედ საოკუპაციო ძალები დგანან და ადგილობრივ მოსახლეობაზე გავლენას ახდენენ. იქედან გამომდინარე, რომ საქართველოში ბოლო პერიოდში განხორციელებული ტერაქტების კვალი ოკუპირებული რეგიონებიდან მომდინარეობს, ჩნდება სერიოზული ეჭვი, რომ გალში მაცხოვრებელთა გადმობირებაზე რუსეთი ახლაც აქტიურად უნდა მუშაობდეს", - განმარტა ნინო კალანდაძემ.
შეგახსენებთ, რომ გასული წლის შემოდგომიდან მოყოლებული საქართველოში რამდენიმე ტერორისტული აქტი განხორციელდა, რომლის ორგანიზატორადაც ქართული მხარე რუსეთის სპეცსამსახურებს ასახელებს.
