სამოქალაქო მოძრაობა ,, სოლიდარობა უკანონო პატიმრების '' ხელძღვანელი ეკა ბესელია სასჯელაღსრულების დეპარტამენტის უფროსს დავით ჭაკუას და სასჯელაღსრულების დეპარტამენტის სამკურნალო დაწესებულების უფროსს დავით ასათიანს ჯანმრთელობის პრობლემის მქონე პატიმართა სამკურნალო დაწესებულებაში გადაიყვანისკენ მოუწოდებს.
"სასჯელაღსრულების ხელმძღვანელობამ დროულად მოახდინოს რეაგირება, რათა ჯანმრთელობის პრობლემების მქონე პატიმრებს შესაბამისი მკურნალობა ჩაუტარდეთ და მათ სიცოცხლეს და ჯანმრთელობას საფრთხე არ შეექმნას", - ნათქვამია ეკა ბესელიას განცხადებაში.
ბესელიას თქ მით, სამოქალაქო მოძრაობა ,, სოლიდარობა უკანონო პატიმრებს" დასახმარებლად მიმართეს სასჯელაღსრულების დეპარტამენტის რუსთავის №6 საპრობილის მე-7 საკანში განთავსებულმა მსჯავრდებულებმა: მიხეილ კოლეგიანმა, ირაკლი კვენეტაძემ, გრიგოლ მურადიანმა, ლევან ლატარიამ, ემზაერ კიკორიამ, კონსტანტინე ჭკუასელმა, ირაკლი კვინიკაძემ, ნოდარ ძინძიბაძემ, მიხეილ ცერცვაძემ, ანზორ კოლიაგინმა, ნიკოლოზ ასოიანმა და ბექა რუსიშვილმა. კერძოდ, ისინი ტუბერკულოზით არიან დაავადებულნი და დროული შესაბამისი სამედიცინო დახმარება ესაჭიროებათ.
