საქართველოს ეკონომიკისა და მდგრადი განვითარების მინისტრი ვერა ქობალია აზიურ ტურნეს აგრძელებს. ეკონომიკისა და მდგრადი განვითარების სამინისტროს ინფორმაციით, ქობალია ინდოეთიდან სინგაპურში გაემგზავრა, სადაც სინგაპურის ხელისუფლების წარმომადგენლებთან და უშუალოდ სინგაპურელ კოლეგასთან გამართავს შეხვედრებს.
სინგაპურში საქართველოს ეკონომიკისა და მდგრადი განვითარების მინისტრი ქვეყნაში გატარებული ეკონომიკური რეფორმების გასაცნობად ჩავიდა. სინგაპურში ქობალიასთან ერთად იმყოფებიან "საქრთველოს რკინიგზის" ხელმძღვანელი ირაკლი ეზუგბაია და პარლამენტის იურიდიულ საკითხთა კომიტეტის თავმჯდომარე პავლე კუბლაშვილი.
შეგახსენებთ, რომ 22 თებერვალს ინდოეთის ქალაქ მუმბაიში ფოთის თავისუფალ ინდუსტიულ ზონასთან დაკავშირებით ბიზნესკონფერენცია გაიმართა, რომელშიც საქართველოს ეკონომიკისა და ფინანსთა მინისტრებიც იმყოფებოდნენ.
ეკონომიკისა და მდგრადი განვითარების სამინისტროს ინფორმაციით, ქობალია სამშობლოში 27 თებერვალს დაბრუნდება.
