დაცული ტერიტორიები გარემოს დაცვის სამინისტროს შემადგენლობაში დარჩება.
ამის შესახებ დღეს, ბიუროს სხდომაზე უმრავლესობასთან გავლილი კონსულტაციის შემდეგ მთავრობის საპარლამენტო მდივანმა გია ხუროშვილმა განაცხადა.
"კონსულტაციების შედეგად ჩვენ გავიზიარეთ წინადადება, რომ დაცული ტერიტორიების სააგენტო დარჩება კვლავ საჯარო სამართლის იურიდიულ პირად და მასზე კონტროლს გარემოს დაცვის სამინისტრო განახორცილებს", - აღნიშნა ხუროშვილმა.
მისივე თქმით, აღნიშნული საკითხის მეორე მოსმენის დროს კიდევ უფრო დეტალურად მოხდება მუხლობრივი განხილვა და დაკორექტირდება ის პუნქტები, რომლებიც წარმოდგენილ კანონპროექტში ორმაგი წაკითხვის საშუალებას იძლევა.
შეგახსენებთ, რომ გარემოს დაცვისა და ბუნებრივი რესურსების სამინისტროს რეორგანიზაციის საკითხთან დაკავშირებით მომზადებული საკანონმდებლო პროექტი დღეს, პლენარულ სხდომაზე პირველი მოსმენით გავა.
