"ჩვენ უმრავლესობა ვართ და ჩვენი ხმები სრულიად საკმარისია ნებისმიერი კანონპროექტის მისაღებად", - ამის შესახებ გარემოს დაცვისა და ბუნებრივი რესურსების საპარლამენტო კომიტეტის თავმჯდომარე აკაკი ბობოხიძემ ჟურნალისტებს გარემოს დაცვის სამინისტროს რეორგანიზაციის კანონპროექტთან დაკავშირებით ოპოზიციის კრიტიკულ დამოკიდებულებაზე შეფასებისას განუცხადა.
მისივე განმარტებით, გარემოს დაცვის სამინისტროს რეორგანიზაციის კანონპროექტი დღევანდელ პლენარულ სესიაზე იმ ფორუმლირებით გავა, რაზეც უმრავლესობა შეთანხმდება.
"ფრაცქიის გადაწყვეტილება ნიშნავს სპარლამენტო გადაწყვეტილებას, რადგან ჩვენ ვართ უმრავლესობა და ჩვენი ხმები სრულიად საკმარისია კანონპროექტის მისაღებად" - აღნიშნა ბობოხიძემ.
მისივე თქმით, აღნიშნულ კანონპროექტთან რამდენიმე შენიშვნა მის კომიტეტსაც აქვს. კერძოდ ეს რეგულაციებში გარემოს დაცვის სამინისტროს კიდევ უფრო მეტად ჩართვას, ასევე დაცული ტერიტორიების საკითხს და გარემს დაცვის ფუნქციების სამ სამინისტროს შორის გადანაწილებას უკავშირდება.
შეგახსენებთ, რომ გარემოს დაცვისა და ბუნებრივი რესურსების სამინისტროს რეორგანიზაციის შესახებ მომზადებული კანონპროექტი პირველი მოსმენით პარლამენტის დღევანდელ პლენარულ სხდომაზე გავა.
