ლაგოდეხის ნაკრძალი 270 ათასი ევროთი დაფინანსდა. დაცული ტერიტორიების სააგენტოს ინფორმაციით, გარემოს დაცვისა და ბუნებრივი რესურსების მინისტრმა გიორგი ხაჩიძემ, დაცული ტერიტორიების სააგენტოს თავმჯდომარე გიორგი შონვაძემ და კავკასიის ბუნების ფონდის აღმასრულებელმა დირექტორმა დევიდ მორისონმა საგრანტო ხელშეკრულებას მოეწერეს ხელი.
შეთანხმების მიხედვით, ლაგოდეხის ნაკრძალის მხარდასაჭერად, კავკასიის ბუნების ფონდი 2011-2013 წლებისთვის 270 ათასი ევროს დაფინანსებას გამოყოფს, რომელიც ნაკრძალის მოვლას და მიმდინარე ხარჯების დაფარვას მოხმარდება. დაცული ტერიტორიების სააგენტოს ინფორმაციით, გრანტი მოიცავს „პროკრედიტ ბანკის" 20 ათასი აშშ დოლარის თანადაფინანსებას.
