დღეს, გრძელვადიანი პაემნების შესახებ კანონპროექტს პარლამენტის მესამე მოსმენით დაამტკიცებს.
აღნიშნულთან დაკავშირებით ცვლილება "პატიმრობის კოდექსში" შედის, რომელიც გრძელვადიანი პაემნების ამოქმედებას ვადაზე ადრე ითვალისწინებს.
აღსანიშნავია, რომ კანონპროექტში ხელისუფლებამ "თავისუფალი დემოკრატების" მიერ შეთავაზებული ოთხი წინადადება გაითვალისწინა.
საბოლოდ კი კანონპროექტი შემდეგი რედაქციით ჩამოყალიბდა - გრძელვადიანი პაემანის ხანგძლივობა შეადგენს არაუმეტეს 24 საათისა და მისი ღირებულება 60 ლარია, აღნიშნული თანხა კი ძირითადად უნდა მოხმარდეს მისი მიზნების გახორციელებასა და ფუნქციების შესრულებას.
ხანგრძლივ პაემანთან დაკავშირებით ადმინისტრაცია წერილობით უნდა იქნეს ინფორმირებული ორი კვირით ადრე და მათ პაემანის ორგანიზება უნდა უზრუნველყონ განცხადების შესვლის დღიდან არაუგვიანეს ორი კვირის განმავლობაში. გარდა იმ შემთხვევისა, როდესაც არსებობს უარის თქმის მოტივირებული საფუძველი, რის თაობაზეც განმცხადებელი ინფორმირებული უნდა იყოს 10 დღის განმავლობაში.
ხანგრძლივი პემანი არ ეძლევათ დახურული ტიპის დაწესებულებაში მყოფ მსჯავრდებულებს, გარდა უვადო თავისუფლება აღკვეთილებისა, აგრეთვე იმ მსჯავრდებულებს, რომლებიც საკარანტინო რეჟიმში იმყოფებიან, დაკისრებული აქვთ დისციპლინარული სახდელი ან/და შეფარდებული აქვთ ადმინისტრაციული პატიმრობა.
ხანგრძლივი პაემნის მიცემის საკითხს წვეტს თავისუფლების აღკვეთის დაწესებულების დირექტორი.
ხანგძლივი პაემნის შეცვლა თავისუფლების აღკვეთის დაწესებულების გარეთ ხანმოკლე გასვლის უფლებით, ხანმოკლე პაემნით ან სატელეფონო საუბრით - დაუშვებელია.
ამასთან, პაემანის ოთახში შექმნილი პირობები საქართველოს კანონმდებლობით დადგენილი სანიტარულ-ჰიგიენურ ნორმებს უნდა შეესაბამებოდეს და არ ლახავდეს ადამიანის უფლებებს.
ხანგრძლივი პაემნის სარგებლობის უფლება პატიმრებს წელიწადში 2+1 და არასრულწლოვან მსჯავრდებულებს 3+1 ექნებათ. მსჯავრდებულებთან პემენის უფლებით ისარგებლებენ შვილები, ნაშვილები, მეუღლე, მშობლები, მშვილებელი, და და ძმა.
ამასთან "თავისუფალი დემოკრატების" მოთხოვნით კანონპროექტში ჩაიწერა, რომ 2012 წლის 1-ელ ივნისიდან საქართველოს მთავრობამ არსებული ინფრასტრუქტურის გათვალისწინებით ქალი და არასრულწლოვანი მსჯვარდებულებისთვის პაემნების რაოდენობის საკითხს უნდა გადახედოს, ასევე განიხილოს დახურული ტიპის დაწესებულებში მყოფი პატიმრებისთვის ხანგრძლივი პემნის მიცემის უფლება.
კანონი პირველ ეტაპზე სასჯელაღსრულების სამ დაწესებულებაში არასრულწლოვანთა #11 სასჯელაღსრულების დაწესებულებაში, ასევე რუსთავის მე-6 საპყრობილეში, სადაც სამუდამო პატიმრობა მისჯილები იმყოფებიან და რუსთავის #16 დაწესებულებაში ამოქმედდება, სადაც ამ ეტაპზე ხანგრძლივი პაემნებისთვის ინფრასტრუქტურის მოწყობა უკვე დასრულებულია. 2012 წლის 1 ივნისიდან ხანგრძლივი პაემნით სხვა საპატიმროების მსჯავრდებულებიც ისარგებლებენ.
