უზბეკეთის საგარეო საქმეთა სამინისტროს პრესსამსახურმა რუსულ მედიას განუცხადა, რომ ორშაბათს ნიჟნეკამსკში დრონების თავდასხმის შედეგად უზბეკეთის შვიდი მოქალაქე დაიღუპა.
უზბეკეთის მოქალაქეების დაღუპვის შესახებ თათრეთის ხელმძღვანელის პრესსამსახურმაც განაცხადა. გარდა ამისა, რესპუბლიკის ხელისუფლების ინფორმაციით, დაიღუპნენ ტაჯიკეთის მოქალაქეებიც.
სულ, ამ დროისთვის, ცნობილია 13 დაღუპულის შესახებ, მათ შორის ერთი ბავშვი, რომელსაც სიცოცხლისთვის შეუთავსებელი დაზიანებები ჰქონდა. სამედიცინო დახმარებისთვის 75 ადამიანმა მიმართა. თათრეთში დაღუპულთა ხსოვნის პატივსაცემად გლოვა გამოცხადდა.
თათრეთისა და ნიჟნეკამსკის ხელისუფლებას არ დაუკონკრეტებია, რა იყო დარტყმის სამიზნე, და მას „სამრეწველო ობიექტი“ უწოდა. ხელისუფლების განცხადებით, დრონებმა ასევე საცხოვრებელი სექტორი დააზიანეს.
რუსული ხელისუფლების მტკიცებით, ნიჟნეკამსკზე უკრაინული დრონების თავდასხმას 13 ადამიანი ემსხვერპლა, 70-ზე მეტი კი დაშავდა. უკრაინის გენშტაბმა ნიჟნეკამსკში ნავთობგადამამუშავებელ ქარხანაზე დარტყმა დაადასტურა. დაღუპულთა რაოდენობით ეს ომის დაწყებიდან რუსეთში ერთი თავდასხმის შედეგად განხორციელებულ ერთ-ერთ ყველაზე მძიმე დარტყმად მიიჩნევა.
