უკრაინის საგარეო საქმეთა მინისტრი ანდრი სიბიჰა ევროკავშირის მიერ რუსეთის რეგიონებზე ბოლო მასირებული საჰაერო თავდასხმების საპასუხოდ დაწესებულ ახალ სანქციებს ეხმიანება.
ამის შესახებ მან სოციალურ ქსელ X-ზე დაწერა.
სიბიჰგამ აღნიშნა, რომ რუსეთის მიერ უკრაინის მშვიდობიანი მოსახლეობის წინააღმდეგ ჩადენილ ტერორის თითოეულ აქტს შესაბამისი შედეგი უნდა მოჰყვეს.
მან ასევე მადლობა გადაუხადა ევროკავშირის უმაღლეს წარმომადგენელს საგარეო საქმეთა და უსაფრთხოების პოლიტიკის საკითხებში კაია კალასს ლიდერობისთვის.
„სწორედ ამაზე ვსაუბრობდით წლის დასაწყისში: ტერორის თითოეულ აქტს უნდა მოჰყვეს მტკიცე პასუხი. აუცილებელია დამატებითი გადამწყვეტი ნაბიჯები, რათა რუსეთს შეეზღუდოს წვდომა კრიტიკულად მნიშვნელოვან კომპონენტებზე, რომლებიც ახალი ბალისტიკური რაკეტების წარმოებისთვის სჭირდება, და მოსკოვისთვის ომის გაგრძელების ფასი კიდევ უფრო გაიზარდოს“, - განაცხადა სიბიჰამ.
შეგახსენებთ, უკრაინაზე რუსეთის ბოლოდროინდელი თავდასხმების საპასუხოდ ევროკავშირმა დღეს ახალი სანქციები დააწესა.
