უკრაინის პრეზიდენტი ვოლოდიმირ ზელენსკი კიევში აზერბაიჯანის საგარეო საქმეთა მინისტრ ჯეიჰუნ ბაირამოვს შეხვდა.
ამის შესახებ მან სოციალურ ქსელში განაცხადა.
ზელენსკიმ აღნიშნა, რომ ბაირამოვი უკრაინას რუსეთის სრულმასშტაბიანი შეჭრის დაწყების შემდეგ პირველად სტუმრობს და ვიზიტი ირპენიდან დაიწყო, სადაც ეწვია სკოლას, საავადმყოფოსა და სარეაბილიტაციო ცენტრს, რომელსაც აზერბაიჯანი დახმარებას უწევს.
უკრაინის პრეზიდენტმა აზერბაიჯანელ დიპლომატს ინფორმაცია მიაწოდა უკრაინაზე რუსეთის მუდმივი დარტყმების, შავ ზღვაში არსებული ვითარებისა და რუსეთის მიერ მარცვლეულის დერეფნების ბლოკირების შესახებ.
მხარეებმა შეხვედრაზე თავდაცვითი თანამშრომლობა განიხილეს, კერძოდ კი დრონებზე შეთანხმება და ენერგეტიკის, ნავთობისა და გაზის სფეროში, და სოფლის მეურნეობის საკითხებში თანამშრომლობა.
„განვიხილეთ მაღალი დონის დიპლომატიური კონტაქტები, თავდაცვის სფეროში თანამშრომლობა და ეკონომიკური ურთიერთქმედება ენერგეტიკის, ნავთობისა და გაზის სექტორსა და სოფლის მეურნეობაში. მადლობელი ვარ აზერბაიჯანის უკრაინის მხარდაჭერისთვის, ენერგეტიკული და ჰუმანიტარული დახმარებისთვის, ასევე კონსტრუქციული დიალოგისთვის“, -განაცხადა ზელენსკიმ.
