თბილისელები საკმაოდ სოლიდურ თანხებს იხდიან თბილისის ბიუჯეტში. თბილისის 2026 წლის ბიუჯეტი არის 2 მილიარდ 600 მილიონი ლარი, თბილისელები ასევე უამრავ ჯარიმას და საურავს იხდიან, რომელიც ასევე შედის ამ ბიუჯეტში და ისინი იმსახურებენ, რომ ყოველი წვიმის დროს, წვიმაში არ უწევდეთ დგომა და სიარული, - ამის შესახებ „ლელო-ძლიერი საქართველოს“ წევრმა, ნიკა ჩერქეზიშვილმა განაცხადა.
ის გამოეხმაურა თბილისის მერის, კახა კალაძის მიერ გაკეთებულ განცხადებას, რომელიც დედაქალაქში მოსული წვიმის შედეგებს ეხებოდა.
ნიკოლოზ ჩერქეზიშვილის თქმით, კახა კალაძის პასუხი ჰგავს შემდეგს - როდესაც ექიმთან მივა ადამიანი გულის ტკივილის ჩივილით და ექიმმა რომ უთხრას, გული ყველას სტკივა ან წნევა რომ აწუხებდეს ადამიანს და ექიმმა დაუბრუნოს, არა უშავს, წნევა ყველას აწუხებს. აი, ასეთი არის თბილისის მერის პასუხი და ბუნებრივია, ის აბსოლუტურად მიუღებელია თბილისისა და თბილისელებისთვის.
თბილისში ყოველი ძლიერი წვიმის შემდეგ ჩნდება კითხვა - მართლა წვიმა გვაზიანებს თუ გაუმართავი სისტემა?
ბოლო ორი დღის განმავლობაში თბილისში მოსულმა უხვმა ნალექმა, ფაქტობრივად, მთელი ქალაქის პარალიზება გამოიწვია და კარგად დაანახა თბილისსა და თბილისელებს, რამდენად გაუმართავი, არაეფექტური და არაკომპეტენტური სისტემა შექმნა კახა კალაძემ და თბილისის მერიამ.
ფაქტობრივად, თბილისის ნახევარი დაიტბორა. დაიტბორა - დიდი დიღომი, აღმაშენებლის ხეივანი, გლდანის ნაწილი, ვარკეთილის ნაწილი და არაერთი სხვა ლოკაცია. გუშინ თბილისის შემოსასვლელში ჩამოიშალა კლდე, რამაც დამატებითი საფრთხე შექმნა თბილისში შემომსვლელებისთვის. ასევე, გუშინ წყალი ჩამოვიდა თბილისის საერთაშორისო აეროპორტში.
განსაკუთრებით მძიმე შემთხვევა მოხდა ვაჟა-ფშაველას ძეგლის მიმდებარედ, მარიჯანის 4 ნომერში, სადაც ჩამოიშალა ფერდობი, ჩავარდა მიწა და 14-სართულიანი კორპუსის მაცხოვრებლების ჯანმრთელობასა და სიცოცხლეს შეექმნა საფრთხე.
ეს ყველაფერი გამოწვეულია იმით, რომ თბილისი არ ვითარდება ეფექტურად, არის არასწორი ურბანული განვითარება, იზრდება მხოლოელდ კორპუსების რაოდენობა და ამას ფეხს ვერ უწყობს საინჟინრო ნაგებობებისა და ასევე სანიაღვრე სისტემების გამართვა.
2026 წელს თბილისში სანიაღვრე სისტემების გამართვისთვის გამოყოფილია მხოლოსლდ 4.4 მილიონი ლარი, რაც იმ მასშტაბის პრობლემისთვის, რომლის წინაშეც თბილისი ყოველი წვიმის დროს დგება, არის აბსოლუტურად არასერიოზული თანხა.
ჩვენი ბრიფინგის პარალელურად, დღეს მიმდინარეობდა თბილისის მთავრობის სხდომა და საინტერესო იყო რა განცხადს გააკეთებდა კახა კალაძე იმ ორდღიან უბედურებაზე, რაც დაემართა თბილისს და მან ასეთი რამ თქვა, რომ ეს ხდება ყველგან, წვიმა, სტიქია არის ყველგან და თუ ჩვენ ვერ ვპოულობთ იმ ქალაქებს, სადაც ქუჩები იტბორება, ის დაგვეხმარება და გუგლის საძიებო სისტემით მოგვაძებნინებს ამ შემთხვევებს. მინდა მას ვუპასუხო, მისი პასუხი ჰგავს იმას, რომ როცა ექიმთან მივა ადამიანი მაგალითად: გულის ტკივილის ჩივილით და ექიმმა უთხრას, რომ გული ყველას სტკივა, ან წნევა რომ აწუხებდეს ადამიანს და ექიმმა უთხრას, არაუშავს, წნევა ყველას აწუხებს. აი, ასეთი არის თბილისის მერის პასუხი. ბუნებრივია, რომ ეს პასუხი არის კატეგორიულად მიუღებელი თბილისელებისთვის!
თბილისელები საკმაოდ სოლიდურ თანხებს იხდიან თბილისის ბიუჯეტში. თბილისის 2026 წლის ბიუჯეტი არის 2 მილიარდ 600 მილიონი ლარი, თბილისელები ასევე უამრავ ჯარიმას და საურავს იხდიან, რომელიც ასევე შედის ამ ბიუჯეტში და ისინი იმსახურებენ, რომ ყოველი წვიმის დროს, წვიმაში არ უწევდეთ დგომა და სიარული. ამიტომ, აჯობებს კახა კალაძემ ეს თანხები, რომელიც არ არის მისი და არც თბილისის მერიის, ის ეკუთვნის თბილისს და თბილისელებს, გამოიყენოს ეფექტურად, მიზნობრივად, რაციონალურად და ისე, რომ ყოველი წვიმის დროს ქალაქის პარალიზება არ ხდებოდეს", - განაცხადა ნიკა ჩერქეზიშვილმა.
